"ШИНЭ ХӨДӨӨ" ТӨСӨЛ АМЖИЛТТАЙ ХЭРЭГЖИЖ БАЙНА
Мандах сумын тариаланч Ц.Мөнхтогоо, Д.Тунгалагтуул, Г.Сувданцэцэг, Ц.Адьяа, Б.Жавзмаа нар хашаандаа өргөст хэмх, помидор, буйцай, юуцай, цэцэгт байцаа, сонгино, цагаан лууван, хүрэн манжин, шар манжин, салат навч, гоньд, төмс, чинжүү зэрэг хүнсний ногоо тарьж, ургуулан өрхийн хэрэгцээндээ болон иргэн, аж ахуй нэгжид бага хэмжээгээр худалдан борлуулж байна.
Гэрийн нөхцөлд өөрсдийн гараар эрүүл, эрдэс бодисоор баялаг хүнсний ногоо, жимс жимсгэнэ тарьж, ургуулан хоол хүнсэндээ хэрэглэх нь та өөртөө болон гэр бүлдээ ашигтай хөрөнгө, оруулалт хийж байгаа юм.
Иймээс нутгийн ард иргэд та бүхнийг шим тэжээлтэй, амтлаг сайхан хүнсний ногоогоо өөрсдийн хэрэгцээндээ зориулан тарьж ургуулахыг УРИАЛЖ байна.
ЗАСАГ ДАРГЫН ТАМГЫН ГАЗАР
