МАНДАХ СУМЫН ЗАСАГ ДАРГЫН ТАМГЫН ГАЗРЫН БАЙГУУЛЛАГЫН ГҮЙЦЭТГЭЛИЙН ТӨЛӨВЛӨГӨӨНИЙ ХАГАС ЖИЛИЙН ХЭРЭГЖИЛТЭД ХЯНАЛТ ШИНЖИЛГЭЭ, ҮНЭЛГЭЭ ХИЙЛЭЭ.
НЭГ: ХЯНАЛ-ШИНЖИЛГЭЭ, ҮНЭЛГЭЭНИЙ ЗОРИЛГО
Байгууллагын гүйцэтгэлийн төлөвлөгөөний зорилтын биелэлтийг хангуулах зорилт, арга хэмжээний гүйцэтгэлийн явцын талаар дүгнэлт гаргаж, холбогдох байгууллага, албан тушаалтанд бодит мэдээлэл өгсний үндсэн дээр төлөвлөсөн арга хэмжээг хэрэгжүүлэх зохион байгуулалт, зохицуулалтын үйл ажиллагаанд дэмжлэг үзүүлэхэд оршино.
Арга хэмжээ тус бүрийн гүйцэтгэлийн түвшингийн хувийг тогтоохдоо Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагааны хяналт-шинжилгээ, үнэлгээ хийх нийтлэг журам”-ын дагуу хэрэгжилтийг 2021 оны байдлаар тооцож, хэрэгжилтэд хяналт шинжилгээ хийлээ.
ХОЁР. ХЯНАЛТ-ШИНЖИЛГЭЭ, ҮНЭЛГЭЭНИЙ ҮР ДҮН
2022 оны жилийн байдлаар Байгууллагын гүйцэтгэлийн төлөвлөгөөний хэрэгжилтэд хяналт шинжилгээ, үнэлгээг 14 бодлого, чиглэлийн хүрээнд 155 арга хэмжээний биелэлтийг гарган тайлгансанд хяналт-шинжилгээ, үнэлгээ хийлээ.
155 арга хэмжээний 93 нь бүрэн хэрэгжсэн буюу 100 хувийн үнэлгээтэй, 40 арга хэмжээ нь тодорхой үр дүнд хүрсэн буюу 90 хувийн үнэлгээтэй, 22 арга хэмжээ нь 70 хувийн үнэлгээтэй, 0 хувийн үнэлгээтэй дүгнэгдсэн хэрэгжилт байхгүй байна. Биелэлтийн дүн дунджаар 90,3 хувьтай үнэлэгдэв.
ГУРАВ. ДҮГНЭЛТ
Байгууллагын гүйцэтгэлийн төлөвлөгөөний биелэлт дунджаар 93,5 хувьтай буюу тодорхой үр дүн гарсан хэрэгжилттэй байна. 2021 оны хагас жилийн үнэлгээтэй харицуулахад 3.2 хувиар өссөн хэрэгжилттэй байна.
Байгууллагын гүйцэтгэлийн төлөвлөгөөг арга хэмжээ тус бүрээр бүрэн хяналтад бүрэн авсан хэдий ч хэрэгжилтийг хангаж ажиллах талаар арга хэмжээ зохион байгуулаагүй, ковид 19 цар тахал өвчин, онцгой нөхцөл байдлаас шалтгаалж эрчимжүүлэх шаардлагатай 12 арга хэмжээ, 1 арга хэмжээ 0 хувиар үнэлэгдсэн байна.
ДӨРӨВ. ЦААШИД АВЧ ХЭРЭГЖҮҮЛЭХ АРГА ХЭМЖЭЭ / ЗӨВЛӨМЖ /
Байгууллагын гүйцэтгэлийн төлөвлөгөөний хангалтгүй хэрэгжсэн арга хэмжээг 2022 оны байгууллагын гүйцэтгэлийн төлөвлөгөөнд, холбогдох мэргэжилтэн албан хаагчдын гүйцэтгэлийн төлөвлөгөөнд тусгаж хэрэгжилтийг эрчимжүүлж ажиллах.
Байгууллагын гүйцэтгэлийн төлөвлөгөөний хэрэгжилтийг заалт тус бүрээр нь холбогдох албан хаагчдыг бүрэн хяналтад авхуулж хэрэгжилтийг хагаж ажиллах тал дээр ач холбогдол өгч хамтран ажиллах
Албан хаагчдын гүйцэтгэлийн төлөвлөгөөнд тайланг хугацаанд нь тайлагнаж ажиллах гэсэн заалтыг хуулиар тусгайлан олгосон чиг үүрэгт тусгаж, биелэлтийг тооцож ажиллах
Нэг удаагийн шинж чанартай, хугацаа дууссан, үйл ажиллагаа нь суманд хамаарахгүй, цаашид хэрэгжих боломжгүй болсон хөтөлбөрүүдийг тухай бүрд нь хяналтаас хасуулах тал дээр анхаарч ажиллаж
Үр дүнгүй үнэлэгдсэн, хэрэгжилт удаашралтай заалтын хэрэгжилтийг 2022 ондоо багтаж үр дүнд хүргэх талаар арга хэмжээ авч ажиллах, байгууллагуудын дарга эрхлэгч нар, мэргэжилтнүүд холбогдох арга хэмжээг хэрэгжүүлэхийн тулд үйл ажиллагаагаа эрчимжүүлэх, Мөн байгууллагуудын хоорондын уялдаа холбоог сайжруулж, хариуцлагатай ажиллаж хэвшихийг нийт төрийн албан хаагчдад зөвлөмж болгож байна.
Тайлан бичих талаар зөвлөмжийг өгсөөр байхад алдаа, дутагдал гаргасаар байна.
Үүнд: Найруулга зүй, үг үсгийн алдаатай тайлагнасан, тайланд хүний нэр бичсэн, үг товчилж бичсэн, тайлангийн хэрэгжилтийг тайлагнахдаа шалгуур үзүүлэлт, хүрэх түшин, зорилт арга хэмжээтэйгээ дүйцүүлж тайлагнаагүй, дутуу тайлагнасан зэрэг алдаа дутагдал гарсан.
Цаашид тайлан мэдээг хугацаанд тайлагнаж байх, үг, үсгийн алдаагүй, утга найруулгатай, хүний нэр дурдахгүй, товчилсон үгээр тайлагнах мөн хийсэн ажлаа тодорхой тоо хэмжээтэй, өмнөх онтой харьцуулж тайлагнаж байх шаардлагатай байна.
