Монгол Улсын морин хуурын чуулга”-ыг үүсгэн байгуулагч нэрт морин хуурч, удирдаач, сурган хүмүүжүүлэгч, ардын жүжигчин профессор Цэндийн Батчулуун
Их эзэн Чингис хаан мэндэлсэн түүхэн өдөр Чингис хаан одонгоор Морин хуурын чуулгыг шагнажээ. Энэ өдөр морин хуурын чуулгыг үндэслэн байгуулагч, ардын жүжигчин Цэндийн Батчулуун гэх түүхэн эрхмийн үйл хэргийг эргэн санах хэрэгтэй. Ардчилсан хувьсгалын дараах хүнд цаг үед, үндэсний хөгжмийн тэр дундаа Морин хуурын чуулгыг үндэслэн байгуулж, Морин хуураа дээдлэн түгээн дэлгэрүүлэх, морин хуур судлалыг хөгжүүлэх, гадаад улс орнуудад түгээн дэлгэрүүлэх Ерөнхийлөгчийн зарлиг гаргуулж, Дэлхийн биет бус соёлын өвд Морин хуурыг бүртгүүлэх зэрэг түүхэн ажлуудыг удирдан хийж гүйцэтгэсэн юм. Түүний байгуулсан Морин хуурын чуулга өдгөө дэлхийн 20 гаруй улс оронд 600 гаруй удаагийн тоглолтыг зохион байгуулсан олон улсад монголын өв соёлыг сурталчилж буй томоохон байгууллага болон өргөжжээ.
