СУМЫН ЗАСАГ ДАРГЫН ҮЙЛ АЖИЛЛАГААНЫ ХӨТӨЛБӨРИЙН 2022 ОНЫ ТӨЛӨВЛӨГӨӨНИЙ ХЭРЭГЖИЛТИЙН ХЯНАЛТ ШИНЖИЛГЭЭНИЙ ТАЙЛАН

НЭГ. ХЯНАЛТ-ШИНЖИЛГЭЭ, ҮНЭЛГЭЭНИЙ ЗОРИЛГО, ҮНДЭСЛЭЛ, АРГА ЗҮЙ Сумын Засаг даргын 2021-2024 оны үйл ажиллагааны төлөвлөгөөг 2022 онд хэрэгжүүлэхэд чиглэгдсэн зорилт, арга хэмжээний гүйцэтгэлийн жилийн эцсийн тайлангийн талаар дүгнэлт гаргаж холбогдох байгууллага, албан тушаалтанд бодит мэдээлэл өгч, төлөвлөсөн арга хэмжээг хугацаанд нь хэрэгжүүлэх зохион байгуулалт, зохицуулалтын үйл ажиллагаанд дэмжлэг үзүүлэхэд оршино. Монгол улсын Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагааны хяналт-шинжилгээ, үнэлгээ хийх нийтлэг журам”, дагуу Сумын Засаг даргын 2021-2024 оны үйл ажиллагааны төлөвлөгөөг 2022 онд хэрэгжүүлэхэд чиглэгдсэн зорилт, арга хэмжээний гүйцэтгэлийн жилийн эцсийн тайланд дүгнэлт өгч хэрэгжилтийн явц хүрэх түвшин, үр дүнгийн үзүүлэлтийг 2022 оны 12 дугаар сарын 10-ны өдрийн байдлаар тооцож, төлөвлөсөн арга хэмжээ тус бүрийн гүйцэтгэлийн түвшинг үнэлэв.

ХОЁР. ХЯНАЛТ-ШИНЖИЛГЭЭ, ҮНЭЛГЭЭНИЙ ҮР ДҮН “Сумын Засаг даргын 2021-2024 оны үйл ажиллагаа”-ны төлөвлөгөөнөөс 2022 онд хэрэгжүүлэх 120 арга хэмжээг хяналтад авч, биелэлтийг гарган, хяналт-шинжилгээ, үнэлгээ хийсэн.

ГУРАВ. ДҮГНЭЛТ Сумын Засаг даргын 2021-2024 оны үйл ажиллагааны хөтөлбөрийн хэрэгжилтийн үнэлгээг задалж үзвэл 2022 оны 12 дугаар сарын 20-ны байдлаар 120 зорилт, арга хэмжээнээс 73 зорилт, арга хэмжээ “Үр дүнтэй”, 28 зорилт, арга хэмжээ “Тодорхой үр дүнд хүрсэн”, 14 зорилт, арга хэмжээ “Эрчимжүүлэх шаардлагатай”, 7 зорилт арга хэмжээ үр дүнгүй буюу хэрэгжсэн байна. Үр дүнгүй хэрэгжсэн 1 үйл ажиллагаа, эрчимжүүлэх шаардлагатай 7 үйл ажиллагаа санхүүгийн асуудалыг шийдвэрлээгүй хэрэгжүүлэх цаг хугацаа, санхүүжилт хоёрыг уялдаа холбоогүй төлөвлөсөн байна.

ДӨРӨВ. ЦААШИД АВЧ ХЭРЭГЖҮҮЛЭХ АРГА ХЭМЖЭЭ / ЗӨВЛӨМЖ / Сумын Засаг даргын үйл ажиллагааны хөтөлбөрийн 120 үйл ажиллагааны 73 үйл ажиллагааг 100 хувь бүрэн хэрэгжсэн гэж дүгнэсэн байна. Энэ нь тухайн 2022 оны хүрэх түвшинтэй уялдуулан дүгнэсэн.