Монгол Улсын гавьяат багш Шагдарын ЛУВСАНДОРЖ
1931 онд Мандах сумын “Дэрсэн усны улаан хонд” гэдэг газар төрсөн. 1940 онд Мандах сумын бага сургууль байгуулагдахад анхны сурагч, 1951 онд Сайншандын арван жилийн сургуулийн анхны төгсөгчдийн нэг байв. 1956 онд МУИС төгсч, Дундговь аймгийн 10 жилийн багш, 1963 онд Марксизм-Ленинизмын оройн их сургуулийн хичээлийн эрхлэгч, 1970 оноос намын дээд сургуулийн багш, 1979 оноос МУИС-д одоог хүртэл багшлаж байна. Багшлах хугацаандаа их дээд сургуульд үзэх 6 сурах бичгийн зохиогчдын нэг болж, “Их Монгол Улсын төрийн ёсны төлөвшил” , “Чингис хааны өрлөгүүд” зэрэг нэг сэдэвт, “ШУТИС-ын 40, 50 жилийн замнал” зэрэг бүтээлүүдийг туурвиж “Монголын улс төрийн түүхийн зарим асуудал” сэдвээр доктарын зэрэг хамгаалсан. ШУТИС-ын хүндэт профессор, хөнгөн атлетикийн гуравдугаар зэрэг, волейболын спортын нэгдүгээр зэрэгтэй. Алтангадас одон, Боловсролын тэргүүний ажилтан, Монгол улсын гавьяат багш цол хүртсэн.
