Монгол Улсын соёлын гавьяат зүтгэлтэн Шатарын ӨЛЗИЙБАЯР

9-р сарын 23, 2024 - 12:18 Updated: 9-р сарын 23, 2024 - 12:17

Тэрбээр соёл урлагийн салбарт 26 жил ажиллаж буй бөгөөд өдгөө СУИС-ийн Хөгжмийн онолын тэнхимийн багш, Монгол улсын филармонид хөгжмийн зохиолчоор ажиллаж байна.

Энэ хугацаанд дотоодын болон Олон улсын уралдаан тэмцээнд амжилттай оролцож ирсэн бөгөөд хамгийн сүүлд Соён гэгээрүүлэгч, ноён хутагт Данзанравжаагийн мэлмий гийсний 220 жилийн ойд зориулсан "Тэнгэрийн хутагт" бүжгэн жүжгийн хөгжмийг зохиож туурвисан билээ.

Амжилтуудаас дурдвал:

• Төгөлдөр хуур, найрал хөгжимд зориулсан “Вариаци Токката” бүтээлээрээ Москва хотод зохиогдсон С.С.Прокофьевын нэрэмжит залуу хөгжмийн зохиолчдын IY уралдаанд “Тусгай байр” /2010/

• Мөн төгөлдөр хуур, найрал хөгжимд зориулсан “Вариаци Токката” бүтээлээрээ Италийн Болонья хотод зохиогддог олон улсын хөгжмийн зохиолчдын XYI уралдаанд III байр /2010/

• Морин хуур, найрал хөгжмийн I концертоороо ОХУ-ын Калуга хотод зохион байгуулагдсан “XXI зууны хөгжмийн зохиолч” олон улсын хөгжмийн зохиолчдын уралдааны “Тусгай байр” /2014/

• Италид зохион байгуулагддаг Морис Равелийн нэрэмжит олон улсын хөгжмийн зохиолчдын уралдааны “Тэргүүн байр” /2016/

• ОХУ-ын Сочи хотын олон улсын кино наадмын “Шилдэг хөгжмийн зохиолч” шагналыг “Чингисийн хүүхдүүд” киноны хөгжмөөр хүртсэн /2017/

• Төгөлдөр хуур, найрал хөгжмийн концертоороо Финлянд улсад зохиогддог Ян Сибелиүсийн нэрэмжит IX уралдааны “Тэргүүн байр” /2021/

• “Н.Жанцанноров” сангаас С.Гончигсумлаагийн мэндэлсэний 100 жилийн ойд зориулсан уралдаанд төгөлдөр хуурын “Рапсодия” бүтээлээр “Тэргүүн байр” /2015/

• Оны шилдэг дуу шалгаруулах “Морин хуур” уралдаанд “Тэнэгэр их тал” дуугаар “Гран-при” шагнал /2017/

• Эрдэнэт хот байгуулагдсаны 40 жилийн ойн шилдэг дууны уралдаанд ”Дэлхийд ижилгүй Эрдэнэт” дуугаар “Гран-при” шагнал /2018/

• Оны шилдэг дуу шалгаруулах “Морин хуур-34” уралдаанд “Жаргал дүүрэн эх орон” дуугаар “Гран-при” шагнал /2021/

• Ц.Батчулууны нэрэмжит Морин хуурт зориулсан бүтээлийн анхдугаар уралдааны “Тэргүүн байр” /2022/

• Морин хийл, найрал хөгжмийн концертоор “Алтан намар-2022” наадмын “Тэргүүн байр” /2022/

• Бүх урлагийн тэргүүн дээд “Гоо Марал” шагнал /2010/

• Лувсанвандангийн нэрэмжит “Гоо зүйн дээд шагнал” /2016/

• Монголын Хөгжмийн Зохиолчдын Холбооны “Мөрдоржийн нэрэмжит тэргүүн дээд шагнал” /2017/

• “Мөнгөн мод” шагнал /2022/

• Их хуурт зориулсан бүтээлийн уралдаанд “Их хуурын концерт” бүтээлээр 2-р байр эзэлсэн. /2018/

• “Дөрөө” модерн балет, “Ээрэн хүрээ” дуулалт бүжгэн жүжиг, Морин хуур, симфони найрал хөгжимд зориулсан I концерт, Ятга, симфони найрал хөгжимд зориулсан концерт, Төгөлдөр хуур, симфони найрал хөгжимд зориулсан “Вариаци Токката”, Симфони найрал хөгжим, Морин хуурын чуулга, Баян Монгол чуулгад зориулсан “Оргилуун удиртгал” зэрэг бүтээлүүд нь 2010, 2011, 2012, 2013 оны “Алтан намар” наадмын шилдэг бүтээлээр шалгаран улсын санд авсан.

• Төгөлдөр хуурын “Рапсоди”, Ятга, найрал хөгжмийн II концерт нь 2015, 2016 оны, “”Чингисийн хүүхдүүд“ киноны хөгжим, Морин хуурын 5-р концерт нь 2018, 2019 оны “Алтан намар” наадмын шилдэг бүтээлээр шалгарсан.

• “Би монгол”, ”Дорнын говиос Монгол эхэлдэг”, ”Талын хөх чоно”, “Хулдын цэнхэр уулс”, “Хайрла юу л гэсэн юмаа”, “Нүүдэлчдийн нутаг” зэрэг дуугаар оны шилдэг дуу шалгаруулах “Морин хуур” уралдааны тэргүүн, дэд, гутгаар байруудыг 2007, 2008, 2009, 2010, 2011, 2012 онуудад эзэлсэн.

• БХЯ, ЦДБЭЧуулгаас зохион байгуулсан цэргийн болон жагсаалын дууны уралдаанд “Эх орны дуудлага”, “Монгол цэрэг” дуугаар дэд болон тусгай байрууд

• “Хайрын сүлд дуу-2006” уралдаанд “Хайрын наран тэнгэр” дуугаар дэд байрыг хүртсэн.

• 300 гаруй дууны уран бүтээлтэй. ”Аавдаа” Г.Ариунбаатар /МУГЖ, Чингис хаан одонт/, ”Дорнын говиос Монгол эхэлдэг” С.Жавхлан /МУГЖ/, “Чамайгаа санахаар” Л.Болдбаатар /МУГЖ/, “Ямар их хайр вэ” Ч.Алтантүлхүүр, “Тусгаар тогтнол аминаас үнэтэй” зэрэг дуу нь түмэн олонд өргөн дуулагддаг.