Монгол Улсын хөдөлмөрийн баатар Насангийн хүрээт
1911 онд төрсөн бөгөөд Мандах суманд 1929-1931 онуудад худаг усны хайгуулын экспедицид ажилчин, 1931 оноос малчин, 1956 оноос “Социалист зам” нэгдлийн тэмээчин, 1978 оноос зөвлөх малчнаар ажиллажээ. 1956-1979 онд тэмээ маллахдаа анх 141 тэмээ хүлээж авч 1969 онд 1004 толгойд хүргэж, ашиг шимийн даалгаврыг давуулан биелүүлж, сүүлийн жилүүдэд 800-1000 тэмээ маллаж байсан. 1961 онд буюу АХ-ын 40 жилээр “Хөдөлмөрийн баатар” цолоор шагнагджээ.
