ДОРНОГОВЬ АЙМГИЙН МАНДАХ СУМАНД "ТҮМЭН ТЭМЭЭНИЙ БАЯР-2023" БАЯР НААДАМ ЗОХИОН БАЙГУУЛАГДЛАА
2023 оны 02 сарын 09,10-ны өдрүүдэд Алтан гадас одонт Мандах нутгийн "ТҮМЭН ТЭМЭЭНИЙ БАЯР 2023" баяр наадам амжилттай зохион байгуулагдлаа.
Хурдан тайлаг,торомны уралдаан зохион байгуулагдаж говийн гурван аймгийн тэмээчид хурдан тэмээгээ сойн оролцлоо.
Мөн Шилмэл ингэ, буур шалгаруулж," Сайхан тэмээтэй ганган хос", тэмээчдийн дунд буухиа тэмцээн зохион явууллаа.
Мандах нутгийн зон олны минь Ганган улаан тэмээ түм бумаар өсөх болтугай.
2023 оны 02 сарын 09-ний өдөр "ТҮМЭН ТЭМЭЭНИЙ БАЯР-2023" баяр наадмын үйл ажиллагаа нээлт амжилттай зохион байгуулагдаж малчид, иргэд, аж ахуйн нэгжүүд өргөн дэлгэр оролцож Орон нутгийн хөгжлийн сангаар хийгдсэн орон нутгийн судлах музейтэй танилцан ,Аймаг сумдын аварга малчдаа шагнаж урамшууллаа.
Монголын алт /МАК/ ХХК-аас жил бүр уламжлал болгон зохион байгуулдаг "БОТГОНД БОНУС" хөтөлбөр зохион байгуулагдан малчид, ахмад настнуудад хүндэтгэл үзүүллээ.
"Цагаан сар-2023" үзэсгэлэн худалдаа өргөн дэлгэр зохион байгуулагдаж 4 нэр төрлөөр 26 иргэн аж ахуйн нэгж байгууллагууд оролцлоо
